Shvesiya prokuraturasi chorshanba kuni 2023 yilda bir necha bor muqaddas Qur’oni karim kitobini yoqib, musulmon davlatlarda ko‘plab norozilik namoyishlari va davlatlararo ziddiyatlarga sabab bo‘lgan iroqlik ikki murtad – Salvan Momika va uning sherigi Salvan Najemga nisbatan “millatlararo adovat qo‘zg‘atish” moddasi bo‘yicha ayblov e’lon qildi.
"Bu erkaklar musulmonlarning diniy tuyg‘ularini haqorat qilganliklari va Qur’onni tahqirlaganliklari uchun javobgarlikka tortildilar", - dedi katta prokuror Anna Xankkio.
Stokgolmda Qur’onni yoqib yuborgan Salvan Momika Skandinaviya davlatlari va islom dunyosi o‘rtasidagi munosabatlarning keskin yomonlashishiga sabab bo‘ldi.
2018 yildan beri Shvesiyada bo‘lgan Iroqdan kelgan muhojir polisiya ruxsati bilan butun dunyo musulmonlari Qurbon hayitini nishonlayotgan paytda Stokgolm markazidagi masjid yonida Qur’on sahifalarini yirtib, yoqib yuborgandi.
Shvesiya migrasiya idoralari iyuldan sentyabrgacha to‘rt marta Qur’onni yoqib yuborishni sodir etgan iroqlik qochqin Salvan Momikni yashash uchun ruxsatnomani bekor qilish va mamlakatdan deportasiya qilishga qaror qildi. Momikaning xatti-harakatlari butun dunyoda g‘azabga sabab bo‘ldi va Shvesiyaning NATOga kirishini kechiktirdi.
Useyn Bolt, Krishtianu Ronaldu va tuyaqush o‘rtasidagi poygada kim g‘alaba qozonadi?
Ofiserlar ommaviy ravishda ishdan bo‘shamoqda
“Axmat” qurolli bo‘linmasi qo‘mondoni Apti Alaudinov o‘z ixtiyori bilan taslim bo‘lgan chechenlarni qutqarmasligini, ular "yashashga loyiq emasligini" aytdi
