Ukraina armiyasining qarshi hujumi shu yilning yozida boshlanishi mumkin, dedi Ukraina bosh vaziri Denis Shmigal Vashingtonga tashrifi oldidan Hill nashriga bergan intervyusida.
Shmixal seshanba kuni Vashingtonga keldi.
«Bizning barcha do‘stlarimiz va hamkorlarimiz qarshi hujumga o‘tish uchun unga 100 foiz va undan ham ko‘proq tayyor bo‘lish kerakligini aniq tushunishadi», dedi u.
Amerika maxfiy hujjatlarining so‘nggi oshkor etilishi qarshi hujumni rejalashtirishga qanday ta’sir qiladi, degan savolga Shmigal Ukraina har qanday holatda ham o‘z hududlarini ozod qilishini aytdi.
«Biz buni uddalay olishimizni ko‘p marta isbotladik. Biz butun dunyo bo‘ylab hamkorlarimizdan tanklar, o‘q-dorilar, samolyotlar va zirhli texnikalarni so‘rayapmiz», - dedi u.
