Shimoliy Koreya armiyasi buyruq oldi: Artilleriyadan o‘qqa tutishga tayyor bo‘ling

Koreya Xalq Armiyasi Bosh shtabi chegara chizig‘i yaqinidagi artilleriya bo‘linmalarini o‘t ochishga to‘liq shay holatga keltirish to‘g‘risida buyruq berdi.

Bu haqda Koreya Markaziy telegraf agentligi xabar berdi.

Uning so‘zlariga ko‘ra, "KXDR Mudofaa vazirligi vakili 12 oktyabrdagi KXA Bosh shtabining dastlabki tezkor buyrug‘ini o‘qib eshittirdi, unga ko‘ra, chegara chizig‘i yaqinidagi artilleriya qismlari va muhim o‘t ochish topshirig‘ini bajarish uchun mas’ul bo‘lgan qismlar o‘t ochishga to‘liq tayyor bo‘lishi kerak".