Sezarning orzusini ushaltirish 13,5 milliard yevroga tushadi

Shu haftada Italiya hukumati Sisiliya oroli va materik o‘rtasida ko‘prik qurish loyihasini tasdiqlaydi.

Messina bo‘g‘ozi orqali ko‘prik qurish g‘oyasi Qadimgi Rim davridan beri muhokama qilingan, ammo amaliy urinishlar nuqtasiga yetib bormagan. Sezar orzu qilgan ko‘prik endi qurilishiga umid bor.

Loyiha bosh vazir Giorgia Meloni 2023 yilda hokimiyat tepasiga kelganidan so‘ng qayta tiklandi. Sisiliyaning Messina shahri va materik Kalabriya mintaqasi o‘rtasidagi 3,6 kilometr uzunlikdagi osma ko‘prik 13,5 milliard yevroga tushadi.

Ko‘prik hali qurilmaganligining asosiy sabablari mintaqaning murakkab geologiyasi va seysmik faolligi: Messina bo‘g‘ozi tez-tez zilzilalar sodir bo‘ladigan hududda joylashgan. Kuchli shamol va oqimlar ham muammolarni keltirib chiqaradi, bu esa qurilish va foydalanishni qiyinlashtiradi.