2026 yil 8-11 noyabr kunlari Jidda shahrida Haj masalalari bo‘yicha oltinchi konferensiya va ko‘rgazma bo‘lib o‘tadi. Unda turli mamlakatlardan davlat, xususiy va notijorat sektorlardan 520 dan ortiq tashkilotlar ishtirok etadi, deb xabar bermoqda Saudi Press Agency.
Konferensiya 2027 yilgi Haj mavsumiga tayyorgarlik ko‘rish uchun platformaga aylanadi. Ishtirokchilar tashkiliy va operasion masalalarni, shartnomalar tuzishni, hamkorlikni rivojlantirishni va ziyoratchilarga ko‘rsatiladigan xizmatlar sifatini yaxshilashga qaratilgan yechimlarni amalga oshirishni muhokama qiladilar.
Dastur 15 dan ortiq tematik yo‘nalishlar va tadbirlarni o‘z ichiga oladi. Ular orasida Haj kengashi va birinchi marta tashkil etilgan axborot va o‘quv forumi bor.
Seminarlar, xakaton, tadbirkorlik va innovasiya zonasi, biznes markazi va texnologiya, sog‘liqni saqlash, ommaviy axborot vositalari va aviasiya uchun maxsus yo‘nalishlar ham tashkil etiladi.
Konferensiya bilan bir qatorda, 67 ming kvadrat metrdan ortiq maydonda ko‘rgazma ham bo‘lib o‘tadi. 150 dan ortiq mamlakatlardan kompaniyalar o‘z xizmatlari va yechimlarini taqdim etadilar.
Ko‘rgazmada aviasiya, transport, mehmonxona biznesi, sog‘liqni saqlash, infratuzilma, texnologiya, investisiya va Hajni tashkil etish bilan bog‘liq boshqa sohalar vakillari ishtirok etadi.
Oldingi konferensiya va ko‘rgazma 150 dan ortiq mamlakatlardan 204 mingdan ortiq kishini jalb qildi, 270 ishtirokchi ro‘yxatdan o‘tgan. Tadbir doirasida 134 ta maxsus sessiya va seminarlar o‘tkazildi va 2600 dan ortiq kishi o‘quv dasturlarida ishtirok etgan edi.
Jizzaxda erkak 10 yoshli bolani zo‘rlab, so‘ng o‘z joniga qasd qildi
Shaxmat terma jamoasi a’zolari hibsga olindi
UzAutoMotorsʼni sotib olishga uchta davlatdan xaridor chiqdi
