«Putinning urush olib borishiga faqat neft qazib olish, uni quvurlar orqali uzatish, tashish va sotishdan pul olishgacha bo‘lgan butun logistika zanjirini vayron qilishgina to‘sqinlik qilishi mumkin. Gaz ham bundan mustasno emas, garchi hozir uning narxi unchalik yuqori bo‘lmasa-da», — dedi Chichvarkin.
Uning fikricha, Ukraina Qurolli kuchlarining Rossiyadagi neftni qayta ishlash zavodlari, onlayn savdo platformalari va ma’lumotlar markazlariga bergan zarbalari Rossiyaning Ukrainadagi urushni moliyalashtirishiga to‘sqinlik qilmayapti.
Tadbirkorning ta’kidlashicha, Yevropa davlatlari ham Rossiyaga qarshi sanksiyalar siyosatini yuritishda xatolarga yo‘l qo‘ymoqda.
«Avvaliga pasportga qarab sanksiyalar joriy etishdi, keyin esa ularni ayrimlarga nisbatan bekor qilishdi. Ya’ni har ikki holatda ham bu tizimning tartibsiz va qonunga zid ekanini ko‘rsatishdi. Bu sanksiyalarni joriy etishda ham, bekor qilishda ham mantiq yo‘q edi», — dedi u.
Shu bilan birga, Chichvarkinning fikricha, Rossiyaning eng iqtidorli tadbirkorlari Yevropa mamlakatlarida faoliyat yuritishi mumkin.
«Ertaga ish vizalari berilishi va mablag‘lar qabul qilinishi haqida e’lon qilinsa, o‘sha zahotiyoq Yevropaga 300–400 ming kishi keladi. Ularning eng yosh, iqtidorli va kuchlilari. Ular Amirliklarda yashashni istamaydi, balki keksa Yevropa deb ataladigan qit’ada yashashni xohlaydi», — dedi tadbirkor.
Jizzaxda erkak 10 yoshli bolani zo‘rlab, so‘ng o‘z joniga qasd qildi
Shaxmat terma jamoasi a’zolari hibsga olindi
UzAutoMotorsʼni sotib olishga uchta davlatdan xaridor chiqdi
