Saudi Aramco Ukraina dronlarini sotib olish bo‘yicha muzokaralar olib bormoqda

Dunyoning eng yirik neft kompaniyalaridan biri bo‘lgan Saudi Aramco o‘zining neft konlarini hujumlardan himoya qilish uchun Ukrainaning dronlarini sotib olish bo‘yicha muzokaralar olib bormoqda.

Bu haqda The Wall Street Journal manbalarga tayanib xabar bergan.

Nashr SkyFall va Wild Hornets bilan muzokaralar olib borayotganini ta’kidlaydi, ular dushman dronlarini yaqin masofada urib yoki portlatib zararsizlantirishga qodir bo‘lgan to‘xtatuvchi dronlarni ishlab chiqaradi.

Manbalarga ko‘ra, Saudiya kompaniyasi dronlarni hukumat va mintaqaviy raqobatchilardan, xususan, Qatardan oldin qabul qilmoqchi.

Avvalroq Ukraina prezidenti Vladimir Zelenskiy Ukraina Amerika harbiy bazalarini himoya qilish uchun Iordaniyaga to‘xtatuvchi dronlar va dron mutaxassislari guruhini yuborganini e’lon qilgan edi.