Saratovda yo‘lovchi samolyoti favqulodda qo‘nishni amalga oshirdi

Bortida yo‘lovchilar bo‘lgan samolyot nosozlik tufayli Saratovga favqulodda qo‘nishni amalga oshirdi.

Bu haqda Rossiya Federasiyasi Tergov qo‘mitasining transport bo‘yicha G‘arbiy mintaqalararo tergov boshqarmasi ma’lum qildi.

Qayd etilishicha, qurbonlar yo‘q.

"29 mart kuni tushdan keyin Saratovdagi "Gagarin" aeroportiga bortida yo‘lovchilar bo‘lgan samolyot favqulodda qo‘nishni amalga oshirdi. Samolyot komandiri nosozlikni payqab, favqulodda qo‘nishni so‘radi. Samolyot muvaffaqiyatli qo‘ndi, hech qanday vayronagarchilik aniqlanmadi, qurbonlar yo‘q", - deyiladi departament xabarida.