Samarqand viloyati Ekologiya boshqarmasi Kattaqo‘rg‘on tumani bo‘limi tomonidan tungi reyd tadbirlari o‘tkazildi.
Er osti va yer usti tabiiy boyliklari noqonuniy talon-toroj qilinishining oldini olish maqsadida olib borilgan reyd davomida tumanning «Balandravot» MFY hududida huquqbuzarlik aniqlandi. Ya’ni fuqaro Z. X. «Narpay» kanali atrofidan qonunga xilof tarzda o‘z boshqaruvida bo‘lgan texnika vositasi yordamida qora qum aralashmasini qazib olayotgani ma’lum bo‘ldi.
Holat yuzasidan huquqbuzarga nisbatan MJtKning 70-moddasi 1-qismiga binoan ma’muriy bayonnoma rasmiylashtirildi. Z. X. BHMning 10 barobari, ya’ni 3 mln 40 ming so‘m miqdorida jarimaga tortildi.
