“Real” himoyasi Serxio Ramosning hayoti “Liverpul” hujumchisi Muhammad Salohga jarohat yetkazgani uchun xavf ostida qolmoqda.
Ma’lumot uchun, Ramos Chempionlar ligasi finalida misrlik hujumchini yiqitgan, oqibatda Saloh o‘yinni ancha barvaqt jarohat olib tark etishga majbur bo‘lgandi.
Ispan nashrlarining yozishicha, ayni damda muxlislar ijtimoiy tarmoqlar orqali Ramosni haqoratlarga ko‘mib tashlashgan. Eng yomoni, hozirda Muhammad Salohning ko‘plab muxlislari ispaniyalik himoyachiga qo‘ng‘iroq qilib, tahdidli fikrlar bildirishgan va oila a’zolarining hayotini xavf solishlarini ta’kidlashgan. “Marca” nashrining yozishicha, ayni damda Ramos va uning oila a’zolari telefon raqamlarini o‘zgartirishga majbur bo‘lishdi.
