Saida Mirziyoyeva farzandlari bilan Florensiyadagi ko‘rgazmada ishtirok etdi

Florensiyaning Palazzo Pittidagi Uffisi galereyasida «O‘zbekiston: Sahrodagi avangard» yirik ko‘rgazmasining «Nur va rang» nomli birinchi qismi ochildi. O‘zbekiston Prezidenti yordamchisi Saida Mirziyoyeva farzandlari bilan unda ishtirok etdi.

“Ushbu ekspozisiya tomoshabinlar e’tiborini XX asrning birinchi yarmiga oid rus sharqshunos-ijodkorlari va milliy san’at maktabi vakillari asarlarida aks etgan Markaziy Osiyoning badiiy qiyofasiga qaratadi.

Ko‘rgazmaga tashrif buyuruvchilar badiiy andozalarning vizual almashuvidan bahra olibgina qolmay, modern bilan Markaziy Osiyo xalqlari ijodi o‘rtasidagi qiziqarli muloqotga ham guvoh bo‘lishlariga ishonchim komil”, deya yozib qoldirdi Saida Mirziyoyeva.