Yashil bargli sabzavotlarni muntazam iste’mol qilish yurak kasalliklari xavfini taxminan 11 foizga va yurak-qon tomir kasalliklaridan o‘lim ehtimolini deyarli 21 foizga kamaytiradi.
Lomonosov nomidagi Moskva davlat universiteti fundamental tibbiyot fakulteti farmakologiya kafedrasi mudiri va Sog‘lom ovqatlanish tadqiqotlari markazi direktori bu haqda ma’lum qildi.
Professorning so‘zlariga ko‘ra, yashil bargli sabzavotlarning ijobiy ta’siri o‘simliklarning noyob xususiyatlari bilan bevosita bog‘liq bo‘lib, ular inson tanasida bir qator himoya biokimyoviy jarayonlarni qo‘zg‘atishi mumkin.
"Ko‘katlar tarkibidagi nitratlar tufayli foydalidir. Og‘izdagi bakteriyalar ularni azot oksidiga aylantiradi, bu qon tomirlarini kengaytiradi, qon bosimini biroz pasaytiradi va blyashka hosil bo‘lishining oldini oladi. Ismaloq, rukkola va lavlagi ko‘katlarida bu moddalarning eng ko‘p miqdori mavjud", deb tushuntirdi mutaxassis.
Sabzavotlar, shuningdek, organizmni hujayralarni shikastlanishdan himoya qilish uchun antioksidantlar, xolesterin va shakar miqdorini nazorat qilish uchun tola va qon tomirlarida yallig‘lanishni kamaytirish uchun fitokimyoviy moddalar bilan ta’minlaydi. Bu jarayonni boshlash uchun ko‘katlarni yaxshilab chaynash kerak.
"Ko‘katlar tarkibidagi nitratlar tufayli foydalidir. O‘simlik asosidagi parhez 2-toifa diabet xavfini kamaytiradi va past energiya zichligi tufayli vaznni boshqarishga yordam beradi.
Dunyo xaritasi 500 yil ichida ilk bor yangilandi
💴 Adliya vazirligi O‘zbekistondagi pensiya va nafaqalar miqdorini eslatdi
Yaponiyada uyqu musobaqasi bo‘lib o‘tadi, unda g‘olib katta pul mukofotiga sazovor bo‘ladi
