Ruminiya prezidenti Nikushor Dan parlamentdan "xohlovchilar koalisiyasi" tomonidan tuzilgan Ukrainani qo‘llab-quvvatlash bo‘yicha ko‘p millatli kuchlar operativ qo‘mondonligi shtab-kvartirasiga 20 nafar ruminiyalik zobitni joylashtirishni ma’qullashni so‘radi.
Bu haqda davlat rahbarining parlamentga yo‘llagan maktubida aytilgan.
Hujjatga ko‘ra, Ruminiya harbiy xizmatchilari qo‘mondonlik va unga bo‘ysunuvchi qo‘mondonlik va nazorat tuzilmalariga, jumladan, strategik rejalashtirish, joriy operasiyalar, xavfsizlik va kibermudofaa sohalariga kiritilishi mumkin.
Prezident ma’muriyati Ruminiya Ukrainaga jangovar bo‘linmalarni yubormayotganini yoki frontga qo‘shinlarni joylashtirmayotganini ta’kidladi. Unda qo‘mondonlik Buyuk Britaniya va Fransiyada faoliyat yuritayotgani ta’kidlangan.
Dunyo xaritasi 500 yil ichida ilk bor yangilandi
💴 Adliya vazirligi O‘zbekistondagi pensiya va nafaqalar miqdorini eslatdi
Yaponiyada uyqu musobaqasi bo‘lib o‘tadi, unda g‘olib katta pul mukofotiga sazovor bo‘ladi
