AQSh prezidenti Donald Tramp Rossiya armiyasining so‘nggi haftalarda Ukrainaga hujumlarni kuchaytirganini qoraladi. Prezident bu haqda Isroil bosh vaziri Binyamin Netanyahu bilan uchrashuv chog‘ida aytib o‘tdi.
"Bombardimonlar bilan bog‘liq vaziyat menga yoqmayapti. Hozir Ukraina telbalarcha bombardimon qilinmoqda. Menimcha, bu unchalik yaxshi holat emas. Men so‘nggi hafta ichida sodir bo‘layotgan bombardimonlardan noroziman. Bu dahshat", — deya munosabat bildirdi Tramp.
Shu bilan birga, uning aytishicha, Qo‘shma Shtatlar Rossiya va Ukraina vakillari bilan uchrashmoqda va tomonlar “tinchlik bitimiga yaqinlashgan”.
The New York Times'ning qayd etishicha, Tramp Rossiya prezidenti Vladimir Putin bilan uchrashuv haqidagi to‘g‘ridan-to‘g‘ri savolga javob bermagan.
Texas ko‘lida 2 metrlik mahluq qo‘lga tushdi, bu jahon rekordi bo‘lishi mumkin
"Real"ni vaqtincha kim boshqarishi mumkinligi ma’lum bo‘ldi
Toj Mahal bugungi kunda qurilganda u qanchaga tushardi?
