Rossiyaning Lipesk viloyatida o‘zbekistonlik mahkumlar tunnel qazib, koloniyadan qochib ketdi

Olti mahkum 2-sonli koloniyadan qochib ketdi, deb ma’lum qildi viloyat gubernatori Igor Artamonov.

Federal jazoni ijro etish xizmati koloniya hududini aylanib o‘tish chog‘ida tunnel topilgani, shundan so‘ng ular mahkumlar sonini sanashgani va olti kishi bedarak yo‘qolganini ma’lum qildi. Hozirda mahkumlar qidiruvga berilgan. Ulardan ikki nafari qo‘lga olingan.

Telegram-kanallar qochqinlar haqidagi ma’lumotlarni e’lon qildi:

• Davron Jabborov, 1997 yilda Tojikistonda tug‘ilgan, zo‘rlashda ayblangan.
• Dilshod Arslonov 1996 yilda O‘zbekistonda tug‘ilgan, 16 yoshga to‘lmagan shaxs bilan jinsiy aloqada bo‘lganlikda ayblangan.
• Turg‘un Abdullayev, 1997 yilda O‘zbekistonda tug‘ilgan, zo‘rlashda ayblangan.
• Xurshidbek Daniyev, 2005 yilda O‘zbekistonda tug‘ilgan, giyohvand moddalar savdosida ayblangan.
• Parvozbek To‘raboyev, 2005 yilda O‘zbekistonda tug‘ilgan, giyohvand moddalar savdosi uchun sudlangan.
• Baxtiyor Jumayev, 1996 yilda tug‘ilgan, zo‘rlashda ayblangan.