Rossiya Kiyevga "ketma-ket" va "tizimli" zarbalar berishni boshlash bilan tahdid qilayotgan bir paytda, Ukraina Qurolli kuchlari Havo hujumidan mudofaa raketalari tanqisligini ma’lum qilmoqda.
Bu haqda Radio NV efirida UQKning Harbiy-havo kuchlari Kommunikasiyalar boshqarmasi boshlig‘i Yuriy Ignat ma’lum qildi.
Ignatning ma’lum qilishicha, Ukrainaga, jumladan, "Patriot" tizimlari uchun PAC-2 va PAC-3 raketalari, "NASAMS" uchun AIM-120 AMRAAM raketalari, shuningdek, G‘arbning boshqa HHM komplekslari uchun o‘q-dorilar yetishmayapti. U Rossiyaning so‘nggi ommaviy hujumlaridan keyin Ukraina zaxiralarni "muntazam ravishda to‘ldirib borishi" zarurligini aytdi.
"Biz jiddiy taqchillikka duch kelmoqdamiz. Uni doimiy ravishda to‘ldirib borish kerak. Ushbu tizimlarga ega bo‘lgan davlatlar Ukrainaga yordam bermoqda. Ammo bu yordam kamlik qilyapti", — deydi Ignat.
Shuningdek, Ignat Rossiya Ukraina G‘arb hamkorlaridan qancha raketa olayotganini "juda yaxshi bilishini", shu sababli Kiyev Havo hujumidan mudofaa tizimi o‘q-dorilari yetishmasligi haqida ochiq gapirishga majbur bo‘layotganini ta’kidladi.
Uning so‘zlariga ko‘ra, mamlakat harbiylari yirik zarbalardan so‘ng o‘z mudofaa salohiyatini tiklash uchun hamkorlardan yordam so‘ramoqda.
Eron 57 ta musulmon davlatidan iborat “Islom NATOsi” ni tuzishga chaqirdi
Prezidentning yangi qarori qabul qilindi
AQShda qush uyasi sababli xaridor o‘zi sotib olgan avtomobilga egalik qila olmayapti (foto)
