Rossiyaning g‘arbiy chegaralari atrofida NATOning razvedka aviasiyasi faolligi sezilarli darajada kuchaygani xabar qilinmoqda.
Ma’lumotlarga ko‘ra, Latviya va Litva osmonida NATOning E-3A AWACS uzoq masofali radiolokasion kuzatuv samolyotlari parvoz qilmoqda. Polsha va Ruminiya hududlari ustida esa ARTEMIS turidagi razvedka samolyotlari faoliyat yuritmoqda.
Ushbu havo platformalarining asosiy vazifasi havo makonini kuzatish, havodagi vaziyatni tahlil qilish hamda havo mudofaasi tizimlari va radiolokasiya stansiyalari faoliyati haqida ma’lumot to‘plashdan iborat.
Kuzatuvchilarning ta’kidlashicha, razvedka vositalarining bir vaqtning o‘zida bir nechta yo‘nalishda to‘planishi alohida e’tiborga loyiq. Ayniqsa, Kaliningrad viloyati, Belarus va Pskov viloyati atrofidagi faollik yuqori darajaga chiqqan.
Hozircha NATO rasmiylari mazkur parvozlar yuzasidan qo‘shimcha izoh bermagan. Bunday missiyalar odatda alyansning doimiy kuzatuv va vaziyatdan xabardorlik dasturlari doirasida amalga oshiriladi. Biroq razvedka aviasiyasi faolligining oshishi mintaqadagi harbiy-siyosiy vaziyat bilan bog‘liq xavotirlarni kuchaytirishi mumkin.
O‘zbekistonda yangi ko‘l paydo bo‘ldi
Qirg‘izistonga yuborilgan 21 tonna tarvuz nega ortga qaytarildi?
Rustam G‘oipovga “Xalq artisti” unvonining berilishi shaxsan davlat rahbarining tashabbusi bo‘lgan
