Rossiyalik ayol nega o‘z qizlarini 4-qavatdan uloqtirgani ma’lum bo‘ldi

Oldinroq Rossiyada ayol ikki qizini 4-qavatdan pastga uloqtirgani, so‘ng o‘zini ham jarohatlagani haqida xabar bergan edik.

Ma’lumotlarga ko‘ra, ayol eri bilan ajrashganidan juda xafa bo‘lib, depressiyaga qarshi dorilarni qabul qilib kelgan. Er-xotin mulkni taqsimlashda ham muammolarga duch kelishdi. Ayol, favqulodda vaziyatlar xizmati vakilining so‘zlariga ko‘ra, bolalarini derazadan tashlab yuborgach, o‘zini ham o‘ldirmoqchi bo‘lgan, ammo uni otasi – og‘ir ahvolda yotgan qizlarning bobosi to‘xtatib qolgan.

Ayni damda voqea tafsilotlari o‘rganilmoqda.