2026 yilning birinchi yarim yilligida Rossiyaga ishlash maqsadida kelgan markaziy osiyoliklar soni 2.1 mln kishini tashkil etib, oldingi yilga nisbatan 14 foizga yoki 340 mingga kamaygan.
Davlatlar kesimida eng yuqori pasayish O‘zbekistonda kuzatilgan. Birinchi yarim yillikda O‘zbekistondan Rossiyaga ishlash maqsadida borgan migrantlar soni 179 mingga kamaygan (13,2 foiz). Tojikiston hamda Qirg‘izistondan esa qisqarish mos ravishda 107,8 ming hamda 57,8 mingni tashkil etgan. Qozog‘istondan deyarli pasayish kuzatilmagan bo‘lsa, Turkmanistondan ishlash maqsadida Rossiyaga borganlar 41 foizga oshgan.
Bunda, ma’lumot Rossiyada ishlab turganlar sonini emas balki yanvar-iyun oylarida Rossiyaga ishlash maqsadida borganlar sonini qamrab oladi.
O‘zbekiston Migrasiya agentligiga ko‘ra hozirgi kunda 834,2 ming mehnat migrantlarimiz Rossiyada faoliyat olib bormoqda. Lekin Rossiya tomoni berayotgan ma’lumotga ko‘ra birinchi yarim yillikning o‘zida Rossiyaga ishlash maqsadida tashrif buyurganlar soni 1,2 mln kishini tashkil etgan. Rossiya tomoni raqamlarni oshirib ko‘rsatishdan, biz esa teskarisidan manfaatdormiz. Shu sababli raqamlar farq qilishi turgan gap.
Hafta oxiridan O‘zbekistonga salqin havo oqimi kirib keladi
Mustaqillik bayrami munosabati bilan 5 kunlik ish haftasida ishlovchilar ketma-ket 4 kun dam olishi mumkin
Men Xitoy-Qirg‘iziston-O‘zbekiston temir yo‘li qurilishi uchun Putinning roziligini olganman – Sadir Japarov
