Rossiyadagi portda dronlarning ommviy hujumidan so‘ng yong‘in sodir bo‘ldi

Rossiyaning Krasnodar o‘lkasidagi Tuapse dengiz porti hududida keng ko‘lamli dron hujumi yong‘inga sabab bo‘ldi va bir kishi halok bo‘ldi.

Bu haqda mintaqa rahbari Veniamin Kondratev ma’lum qildi.

"Kecha tunda Tuapse yana bir yirik dron hujumiga uchradi. Dastlabki ma’lumotlarga ko‘ra, port hududida bir kishi halok bo‘lgan. Men jabrlanuvchining oilasiga samimiy hamdardlik bildiraman. Ikkinchi jabrlanuvchi hozirda zarur tibbiy yordam olmoqda. Dengiz porti hududida yong‘in aniqlandi”, deb ta’kidladi u.

Kondratevning qo‘shimcha qilishicha, dron parchalari shahardagi bir nechta binolarning derazalarini sindirib tashlagan va gaz quvuriga ham zarar yetkazilgan.