Rossiyadagi janglardan qaytgan KXDR askarlari sharaflandi (Video)

KXDR Rossiyadagi janglardan qaytgan askarlar uchun katta marosim o‘tkazdi. Rasmiy ma’lumotlarga ko‘ra, ulardan to‘qqiz nafari halok bo‘lgan.

Juma kuni KRT davlat telekanali KXDR yetakchisi Kim Chen In harbiy xizmatchilarni quchoqlab, jangda halok bo‘lgan to‘qqiz kishining portreti oldiga oq gul qo‘yayotgani aks etgan kadrlarni namoyish etdi.

Tadbir Shimoliy Koreya poytaxti Pxenyan markazi yaqinidagi 25 aprel kuni Madaniyat uyi deb nomlangan ulkan binoda bo‘lib o‘tdi.

Binoning nomi KXDR rasmiy tarixida mamlakatning birinchi yetakchisi Kim Ir Sen Yaponiyaning Koreyani bosib olishiga qarshi kurashish uchun ko‘ngillilar guruhini tuzgan kun deb ataladigan sanaga ishora qiladi.