Rossiyada o‘n yilda siyosiy mahbuslar 20 baravarga ko‘paydi

"Memorial" inson huquqlari tashkiloti ma’lumotlariga ko‘ra, so‘nggi 10 yil ichida Rossiyada siyosiy mahbuslar soni qariyb 20 baravar ko‘paygan.

Hozirda Rossiyada 776 nafar siyosiy mahbus bor, 2014 yilning fevralida esa ularning soni atigi 40 nafar edi (2014 yil avgust oyiga kelib ularning soni 45 nafar edi, boshqalar qatori Aleksey Navalniy ham ro‘yxatga birinchi marta kiritilgan edi).

OVD-Info loyihasi ma’lumotlariga ko‘ra, 1391 dan ortiq kishi siyosiy sabablarga ko‘ra ta’qiblar tufayli hibsda.

OVD-Info shuningdek, siyosiy tusdagi jinoiy ishlarda ayblanuvchilar soni ortganini qayd etadi. Joriy yilda 2014 yilga (122) nisbatan qariyb 5 barobar ko‘p (546 nafar) ta’qib qilingan.

2022 va 2023 yillarda OVD-Info siyosiy ishlar bo‘yicha rekord darajadagi sudlanuvchilarni qayd etdi - mos ravishda 815 va 698, ularning aksariyati urushga qarshi ishlarning bir qismi sifatida jinoiy javobgarlikka tortilmoqda.

2024 yilda Rossiyaning postsovet tarixida G‘arb davlatlari bilan birinchi mahbuslar almashinuvi bo‘lib o‘tdi: Rossiya va Belorussiyada saqlanayotgan 16 kishi 8 nafar rossiyalikka almashtirildi.