Rossiya moliya vaziri Anton Siluanov Xitoy bilan yuanda kredit berish bo‘yicha muzokaralar olib borilayotganini, biroq hozircha yakuniy kelishuv yo‘q, deb yozadi «Kommersant».
«Hozirda budjet qonunchiligida ichki bozordagi kreditlar nazarda tutilgan. Yuanda kreditlarni jalb qilish huquqi mavjud. Xitoylik hamkorlar bilan muzokaralar anchadan beri davom etmoqda, biroq hozircha yechim topilmadi», — dedi Siluanov.
Hozirda Rossiya budjeti faqat ichki kreditlar uchun mo‘ljallangan, 2024 yilda ularning hajmi to‘rt trillion rublni tashkil qilishi kerak.
