Rossiya Yaqin Sharqdagi inqirozni hal qilishga yordam berishga tayyor

Rossiya Yaqin Sharqdagi inqirozni hal qilish va vaziyatni yumshatishga qo‘lidan kelganicha yordam berishga tayyor. Bu haqda Kreml matbuot kotibi Dmitriy Peskov ma’lum qildi.

"Prezident Putin hatto harbiy bosqich boshlanishidan oldin ham keskinlikni kamaytirishga yordam beradigan vositachilik va yaxshi xizmatlarimiz uchun turli xil variantlarni taklif qildi", dedi u.

Peskovning so‘zlariga ko‘ra, Rossiya mojaroni hal qilishga qo‘lidan kelganicha hissa qo‘shishga tayyor.

Uning ta’kidlashicha, hozirda Yaqin Sharqda keskinlikni yumshatish bo‘yicha Rossiyaning biron bir aniq taklifini aniqlashning iloji yo‘q.

Avvalroq, 9 mart kuni Rossiya prezidenti Vladimir Putin va AQSh prezidenti Donald Tramp telefon orqali suhbatlashishgan edi. Suhbat taxminan bir soat davom etdi. Prezident yordamchisi Yuriy Ushakovning so‘zlariga ko‘ra, muloqot ishchan, ochiq va konstruktiv bo‘lgan.