Rossiya va Hindiston hamkorlikda harbiy-dengiz mashqlarini o‘tkazadi

Rossiya-Hindiston Indra Navy-2025 mashqlarining dengiz qismi dushanba kuni Bengal ko‘rfazi suvlarida boshlanadi.

Bu haqda Rossiya Mudofaa vazirligi matbuot xizmati xabar berdi.

"Bengal ko‘rfazi suvlarida o‘tkaziladigan mashg‘ulotlarning dengiz qismi 31 martdan boshlanadi", — deyiladi xabarda.

Qayd etilishicha, mashg‘ulotlarning birinchi qismi konferensiya formatida qirg‘oqda bo‘lib o‘tadi. "Kema qo‘mondonlari o‘zaro hamkorlik masalalari va dengizda qo‘shma harakatlar tartibini muhokama qiladi. Ikki mamlakat dengizchilari kemalarga o‘zaro tashriflar va sport tadbirlarini o‘tkazadilar", - deyiladi xabarda.

28 mart kuni Chennay portida Hindiston harbiy-dengiz kuchlarining Rana esminesi bortida Rossiya-Hindiston harbiy-dengiz mashqlarining ochilish marosimi bo‘lib o‘tdi, deb xabar berdi departament.