Rossiya va Eron prezidentlari Suriyadagi vaziyatni muhokama qildi

Kremlning xabar berishicha, Vladimir Putin va Mas’ud Pizishkiyon telefon orqali gaplashdi.

"Putin va Pizishkiyon Suriya qonuniy hokimiyatining harakatlarini so‘zsiz qo‘llab-quvvatlashlarini bildirishdi. Qurolli guruhlarning tajovuzkorligi Suriya suvereniteti va barqarorligiga putur yetkazishga qaratilgan", deyiladi Rossiya prezidenti matbuot xizmati bayonotida.

O‘tgan hafta Suriyada prezident Bashar Asad hukumat kuchlariga qarshi kurashayotgan isyonchi guruhlar hujum boshladi. Ular uch kun ichida Halab markaziga yetib olishga muvaffaq bo‘lishdi.