Rossiya Ukrainaning Zaporojye viloyatiga aviazarbalar uyushtirdi, qurbonlar bor

Ukrainaning Zaporojye viloyatida Rossiya qurolli kuchlarining so‘nggi hujumlarida to‘rt kishi halok bo‘ldi va yana ikki kishi yaralandi.

Bu haqda mintaqaviy harbiy ma’muriyat rahbari Ivan Fyodorov e’lon qildi.

"Bir kun ichida Rossiya qo‘shinlari Zaporojye viloyatidagi 32 ta aholi punktiga 643 ta zarba berdi", deb yozgan u “Telegram”da.

Uning so‘zlariga ko‘ra, 12 ta havo hujumi, turli modifikasiyadagi 401 ta uchuvchisiz uchish apparati (asosan FPV) va yettita MLRS hujumi qayd etilgan.

Natijada uylar, transport vositalari va infratuzilmaga yetkazilgan zarar haqida 218 ta xabar kelib tushgan.