Rossiya Qurolli kuchlari Ukraina bilan chegarada “sanitariya zonasi” tashkil etmoqda. Bu haqda Rossiya Mudofaa vazirligi xabar berdi.
"Ukraina Qurolli kuchlari bo‘linmalari Kursk viloyatidan siqib chiqarilgandan so‘ng, harbiylarimiz Rossiya davlat chegarasi bo‘ylab xavfsizlik zonasini yaratish vazifasini bajarishga kirishdi", — deya ma’lum qildi Rossiya armiyasi “Shimol” qo‘shinlar guruhi matbuot markazi rahbari Yaroslav Yakimkin.
"Hozirgi paytda harbiylar kun sayin oldinga harakatlanib, dushmanni davlat chegarasidan uzoqlashtirmoqda — bu “sanitariya zonasi”ni tashkil etish va chegaradagi rossiyalik tinch aholining xavfsizligini ta’minlash uchun amalga oshirilmoqda", — deya ta’kidladi Yakimkin “Rossiya 1” telekanali efirida.
Rossiya prezidenti Vladimir Putin 22 may kuni hukumat yig‘ilishida rossiyalik harbiylar Rossiya–Ukraina chegarasi bo‘ylab “bufer zona” yaratish vazifasini bajarayotganini ma’lum qilgan edi.
Chechen qo‘mondonidan to‘g‘ridan-to‘g‘ri tahdid: “Ruslarni o‘ldirish uchun kelgan xorijliklar yo‘q qilinadi!”
Lavrov "Bunday so‘zlarni aytish uchun surbet odam bo‘lish kerak”
XXR Daniyaga Rossiya bilan hamkorlikni to‘xtatish chaqirig‘iga "shapaloq" bilan javob qaytardi
