Kreml AQSh prezidenti Donald Trampning Rossiya-Ukraina urushini tugatishga urinishlari bo‘yicha unga yon berishning bir qancha variantlarini ko‘rib chiqmoqda.
Bloomberg nashriga bu haqda Rossiya Federasiyasidagi nomi oshkor etilmagan manbalardan ma’lum qilgan.
Ularning so‘zlariga ko‘ra, Rossiya hukumati Trampga tinchlik yo‘li bilan kelishuv bo‘yicha mumkin bo‘lgan imtiyozlarni AQShning ikkilamchi sanksiyalari tahdididan chalg‘itishga urinish sifatida ko‘rib chiqmoqda.
"Takliflardan biri deeskalasiya ishorasi sifatida uchuvchisiz samolyotlar va raketalardan foydalangan holda havo hujumlarini to‘xtatish bo‘lishi mumkin – agar Ukraina ham kelishuvni imzolagan bo‘lsa”, — deb yozadi agentlik manbalardan biriga tayanib.
Bloomberg manbalarining fikricha, AQSh prezidentining maxsus elchisi Stiv Uitkoffning Moskvaga e’lon qilingan tashrifi “muvaffaqiyatga erishish imkoniyati juda oz bo‘lsa ham Tramp bilan kelishuvga erishish uchun so‘nggi imkoniyat beradi”.
Shuningdek, ular Rossiya prezidenti Vladimir Putinning Ukrainaga qarshi urushdagi maqsadlari o‘zgarmaganini, Rossiya haligacha to‘liq o‘t ochishni to‘xtatishga rozi bo‘lmaganini qo‘shimcha qiladi.
Tramp so‘nggi haftalarda Rossiyani tanqid qilishni kuchaytirib, energiya narxlarining pasayishi Putinni Ukrainadagi urushni tugatishga majburlashi mumkinligini va mamlakatning Rossiya neftini sotib olishi sababli kelgusi 24 soat ichida Hindiston importiga bojlarni “sezilarli” oshirish masalasini ko‘rib chiqishni aytdi.
AQSh "tarvuzi qo‘ltig‘idan tushib ketdi": Turkiyaning ruxsatisiz Qora dengizga yadroviy suv osti kemalarini joylashtira olmaydi
Bola o‘g‘rilari ushlandi
Ilon Mask barcha mamlakatlarni Yevropa Ittifoqini tark etishga chaqirdi
