Rossiya mintaqalarida muhim ob’ektlarni dronlardan himoya qilishga zaxiradagi harbiylarni ommaviy ravishda jalb qilish boshlandi — “Kommersant”

Nashr ma’lumotlariga ko‘ra, bunday kampaniya Rossiyaning kamida 19 ta mintaqasida olib borilmoqda.

Zaxiradagi harbiylar BARS otryadlariga yig‘ilmoqda, ularning vazifasi energetika va neftni qayta ishlash ob’ektlarini Ukraina dronlaridan himoya qilishdir. Chegara hududlarida esa BARS a’zolari ukrain diversiya-razvedka guruhlariga qarshi kurashishi kerak bo‘ladi.

4 noyabr kuni Vladimir Putin zaxiradagi harbiylarni nafaqat urush davrida, balki tinchlik paytida ham turli topshiriqlarga jalb etishga ruxsat beruvchi qonunni imzolagan edi.