Rossiya Markaziy banki Davlat dumasiga banklar mijozlarga raqamli rubl bilan operasiyalarni amalga oshirish imkoniyatini berishni boshlashlari kerak bo‘lgan sanani belgilash taklifini yubordi.
Regulyatorning e’lon qilingan taklifiga ko‘ra, eng yirik, tizimli ahamiyatga ega banklar 2026 yil 1-sentabrdan boshlab bunday operasiyalarni amalga oshirish imkoniyatini ochishi kerak.
Xuddi shu sanadan boshlab eng yirik banklarning mijozlari bo‘lgan va o‘tgan yildagi daromadi 120 mln rubldan oshgan savdo kompaniyalari raqamli rubl uchun o‘z infratuzilmasini ochishlari kerak.
Ular milliy valyutaning raqamli shaklida tovarlar va xizmatlar uchun to‘lov imkoniyatini ta’minlashlari lozim.
Interfaks nashrining aniqlik kiritishicha, hozirda eng yirik banklar qatoriga 11 ta tizimli ahamiyatga ega kredit tashkilotlari kiradi. Bular Sberbank, T-Bank, Gazprombank, Alfa-bank, VTB, Sovkombank, PSB, RSXB, Moskva kredit banki, Rayffayzenbank va Yunikredit bankdir.
To‘lov xizmatlari bozoridagi muhim banklar ro‘yxatiga oltita bank kiritilgan: Ozon bank, Pochta bank, Ural tiklanish va taraqqiyot banki (UTTaB), RNKB, “Sankt-Peterburg” va “Russkiy standart”.
Joiry yil fevralida Rossiya banki raqamli rublni ommaviy joriy etish muddatini kechiktirishi haqida ma’lum qilgandi.
Abduqodir Husanov «Barsa»ga o‘tishi mumkin — Deku uni «kelajak himoyachisi» deb biladi
Dollar kursi yana keskin «quladi»
Isroil Eron bilan urush tugaganini rasman e’lon qildi
