Rossiya Isroilning Eronga hujumini qoraladi

Eron bilan AQSh o‘rtasida urush boshlanishi mumkinligi haqidagi ma’lumotlar fonida Rossiya Tashqi ishlar vazirligi Isroilni qoralab bayonot berdi.

Moskva ta’kidlashicha, «dunyoning ko‘pchilik mamlakatlari» Isroil hujumlariga qarshi chiqmoqda.

«Isroilning Eron hududiga, jumladan, uning yadroviy-energetik infratuzilmasiga uyushtirgan hujumlariga dunyoning ko‘plab mamlakatlari tomonidan berilgan qattiq va murosasiz munosabat shundan dalolat beradiki, Isroil rahbariyatining konfrontasiyachi siyosati va vayronkor harakatlari faqatgina ushbu harakatlarni amalga oshirishda ishtirok etuvchi, o‘z manfaatlarini ko‘zlab harakat qilayotgan davlatlar tomonidangina qo‘llab-quvvatlanmoqda», – deyiladi Rossiya TIV bayonotida.

Shuningdek, vazirlik ma’lum qilishicha, Eron Isroil hujumlari to‘xtatilishi sharti bilan AQSh bilan qayta muzokaralar olib borishga va yadroviy dasturiga doir asossiz gumon va gumonlarni bartaraf etish bo‘yicha yechimlar ishlab chiqishga tayyor.

Rossiya Tashqi ishlar vazirligiga ko‘ra, Isroil va Eron o‘rtasidagi mojaro «faqat diplomatik yo‘l bilan hal etilishi mumkin».