Ukraina razvedkasi vakili Vadim Skibiskiyning aytishicha, Rossiya Eronning 660 ga yaqin "Shahed" dronlaridan foydalandi.
"Hozirgacha ular 660 ga yaqin dronlardan foydalanishdi. Bizdagi ma’lumotlarga ko‘ra, shartnomada 1750 ta dron yetkazib berilishi ko‘zda tutilgan. Ularni yetkazib berish va tayyorlash vaqt talab qiladi. So‘nggi kunlarda Rossiya juda ko‘plab dronlardan foydalandi va bu zaxiralarni to‘ldirish kerak. Bizda mavjud ma’lumotlarga ko‘ra, yaqin kunlarda dronlarning yana bir partiyasi yetkazib beriladi. Ushbu partiyada nechta uchuvchisiz qurilmalar yetkazib berilishini bilmaymiz, buni aniqlamoqdamiz. Odatda, bundan oldingi partiyalar 250-300 dona dronni o‘z ichiga olar edi", — deydi Skibiskiy.
