Mamlakat Energetika vazirligi dushanba kuni Rossiya janubidagi yoqilg‘i taqchilligiga Ukrainaning yoqilg‘i-energetika majmuasi ob’ektlariga bergan zarbalari sabab bo‘lganini tan oldi.
"So‘nggi vaqtlarda yoqilg‘i-energetika majmuasi korxonalari dushmanning havo hujumlari kuchayganiga duch kelmoqda, bu esa bir qator janubiy mintaqalarda yoqilg‘i yetkazib berishda vaqtinchalik muammolarni keltirib chiqaryapti", — deya vazirlik matbuot xizmatidan iqtibos keltiradi TASS axborot agentligi.
Kreml vakili Dmitriy Peskov esa Qrimdagi yoqilg‘i taqchilligining sababi yoki sabablaridan biri "asossiz vahima" ekanini ta’kidladi.
"Albatta, tegishli organlar hech qanday taqchillik bo‘lmasligi ustida ishlamoqda. Biz mutlaqo asossiz bo‘lgan vahimaning ko‘plab ko‘rinishlarini ko‘rayapmiz", — dedi Peskov va agentlikning xabar berishicha, bir necha yil avval Moskva va Rossiyaning boshqa yirik shaharlarida grechka taqchilligi bo‘lmagani holda odamlar uni ommaviy tarzda sotib olganini ham eslatdi.
"Ba’zida bunday hissiyotga berilib qilingan harakatlar sun’iy vaziyatlarni keltirib chiqaradi. Ammo takror aytaman, barcha hokimiyat organlari hech qanday taqchillik yuzaga kelmasligi uchun ishlamoqda", — deya ta’kidladi Peskov.
Million rossiyalik mamlakatni tark etdi
47°C issiqlikda tong ham, tun ham yo‘q: Hindistonning eng issiq hududida bir kun
«Jumanji» aktyori vahshiylarcha o‘ldirildi
