Tojikistonlik talabalarning Rossiya huquq-tartibot xodimlari tomonidan ommaviy ravishda kaltaklangani tufayli, Rossiya elchisi Tojikiston Tashqi ishlar vazirligiga chaqirildi.
Tojikiston Tashqi ishlar vazirligi saytida 19 may kuni Komsomolskiy-na-Amure davlat universitetida sodir bo‘lgan voqea Rossiya elchisining chaqirtirilishiga sabab bo‘lgani haqida xabar berilgan. Xabarda aytilishicha, 100 dan ortiq tojikistonlik talaba Rossiya huquq-tartibot idoralari tomonidan so‘roqqa tutilgan va shafqatsiz munosabatda bo‘lingan.
"Bunday hodisalar Tojikiston–Rossiya strategik sheriklik va ittifoqchilik ruhiga to‘g‘ri kelmaydi hamda tomonlarning ta’lim sohasidagi hamkorlikni yanada rivojlantirishga qaratilgan sa’y-harakatlariga zarar yetkazishi mumkin", — deyiladi Tojikiston TIV bayonotida.
Tojikiston tomoni, shuningdek, Tojikiston Respublikasi fuqarolarining Rossiya hududida turli bahonalar bilan ommaviy hibsga olingani haqidagi ma’lumotlardan xavotirda ekanini ta’kidladi.
Amerikalik taniqli bokschi Bahodir Jalolov haqida fikr birdirdi
Rossiya yana bir harbiy mojaroda ishtirok etishi mumkin
ECHL. Yarim final. "Bavariya" "Real" bilan jangovar durang qayd etdi
