Rossiya droni Ruminiya havo hududini buzdi

Bu haqda Ruminiya Mudofaa vazirligi ma’lum qildi.

Vazirlik ma’lumotiga ko‘ra, 13 sentyabr kuni Ukraina bilan chegara hududida Rossiya droni qayd etilgan. Uni kuzatish uchun Feteshti aviabazasidan ikkita F-16 qiruvchi samolyoti havoga ko‘tarilgan.

"Dron taxminan Kiliya-Veke aholi punktidan 20 kilometr janubi-g‘arbda harakatlangan va tez orada radar ekranlaridan yo‘qoldi. U aholi punktlarini kesib o‘tmadi va bevosita tahdid tug‘durmadi. Hozirda mutaxassislar dron qoldiqlarini qidirmoqda", deyiladi bayonotda.