Rossiya hukumati rahbari Mixail Mishustin joriy yilning 1 martidan boshlab benzin eksportini olti oyga taqiqladi.
Bu haqda «RBC» agentligi xabar bermoqda.
Eksportni vaqtincha taqiqlash Yevrosiyo iqtisodiy Ittifoqi davlatlariga, shuningdek Mo‘g‘uliston, O‘zbekiston, Abxaziya va Janubiy Osetiya davlatlariga benzin etkazib berishning kelishilgan hajmlariga ta’sir qilmaydi.
Bundan tashqari, agentlik suhbatdoshlarining so‘zlariga ko‘ra, dizel yoqilg‘isini sotish me’yorini 16 foizga oshirish to‘g‘risida qaror qabul qilingan.
