Ronalduning O‘zbekistonga kelish ehtimoli yuqori

OCHL Nimchorak final bosqichiga qur’a tashlash marosimi 28 dekabr kuni bo‘lib o‘tadi.

Xabaringiz bor, qur’adan avval jamoalari ikkita savatga ajratiladi. 1-savatdan guruh g‘oliblari o‘rin oladi. Guruh g‘oliblari orasida eng yomon natija qayd etgan klub 2-savatga joylashtiriladi. Aynan "Nasaf" 2-savatchadan o‘rin oladigan bo‘ldi. Natijada Ro‘ziqul Berdiyev jamoasi nimchorak finalda guruh g‘olibi bo‘lgan jamoa bilan to‘qnash keladi.

1-savat:
"Al-Hilol" (Saudiya Arabistoni)
"An-Nasr" (Saudiya Arabistoni)
"Al-Ittihod" (Saudiya Arabistoni)
"Al-Ayn" (BAA)

2-savat:
"Nasaf" (O‘zbekiston)
"Navbahor" (O‘zbekiston)
Ikki o‘rin uchun kurashayotgan jamoalar: "Sepohon", "Persepolis", "Paxtakor", "Al-Fayha", "As-Sadd"

Nimchorak finalda bitta guruhdan chiqqan jamoalar yana bir-biriga to‘qnash kelmaydi. Demak, "Navbahor"ga nimchorak finalda "Al-Hilol"ga raqib bo‘lmaydi, "An-Nasr", "Al-Ittihod" yoki "Al-Ayn" klublaridan biri raqib bo‘ladi.

Ronaldu O‘zbekistonga keladimi? «An-Nasr»ning nimchorak finalda yurtimizga kelish ehtimoli hozircha 50 foizga teng. Agar "Paxtakor" pley-offga chiqsa, bu ko‘rsatkich 75 foizga oshadi.

1/8 finalning dastlabki o‘yinlari 2024 yilning 12-13 fevral kunlari 2-savat jamoasi maydonida o‘tkaziladi. Javob o‘yinlari esa 19-20 fevral kunlari bo‘lib o‘tadi.