Angliyaning “Manchester Yunayted” klubida to‘p tepayotgan portugaliyalik hujumchi Krishtianu Ronaldu Instagram tarmog‘ida yana rekord o‘rnatdi. Uning Instagramdagi obunachilari soni 500 millionga yetdi.
37 yoshli futbolchi bu ko‘rsatkichga erishgan dunyodagi birinchi inson bo‘ldi. Ikkinchi qatorni argentinalik "PSJ" hujumchisi Lionel Messi band etgan. Uning ijtimoiy tarmoqdagi akkaunti 372 million obunachiga ega.
