"Ronaldu - fenomen"

Jorje Jezush Krishtianu Ronalduning ta’siri haqida gapirdi.

"An-Nasr" hujumchisi "Riu Ave"ga qarshi o‘rtoqlik o‘yinida (4:0) xet-trik qayd etdi. O‘yin Portugaliyada bo‘lib o‘tdi.

"U fenomen. U tufayli bu stadion to‘lganini ko‘rishingiz mumkin edi. Aql bovar qilmaydi. Agar Krishtianu o‘ynamaganida, tribunada hech kim bo‘lmasdi.

Unga gol urish uchun ko‘p imkoniyatlar kerak emas. Bu safar u uchta gol urdi," - dedi "An-Nasr" bosh murabbiyi Jorje Jezush.