Ronaldu – A Seriyada qatorasiga 10 ta bahsda gol urgan «Yuventus»ning birinchi o‘yinchisi

«Yuventus» hujumchisi Krishtianu Ronaldu A Seriyaning 23-turidan o‘rin olgan «Verona»ga qarshi o‘yinda jamoasining yagona goliga mualliflik qildi (1:2).

Shu tariqa 35 yoshli portugaliyalik futbolchi «Yuventus» safida  A Seriyada ketma-ket 10 ta o‘yinda to‘p kiritgan birinchi futbolchiga aylandi va qatorasiga 9 ta bahsda gol urgan David Trezegening rekordini yangiladi.

Ronaldugacha Italiya chempionatida ketma-ket 10 ta o‘yinda gol urishni «Bolonya» hujumchisi Esio Paskutti (1962/1963 yilgi mavsumda) va «Fiorentina» hujumchisi Gabriel Batistuta (1994/1995) uddalagan.