Jahon yetakchisi roli uchun AQShga o‘rindosh topildi

Kanada AQShning o‘rniga da’vogar.

Kanada Qo‘shma Shtatlarni jahon yetakchisi rolida almashtirishga tayyor ekanligini mamlakat bosh vaziri Mark Karni ma’lum qildi. Uning so‘zlarini The New York Times gazetasi keltirmoqda.

"Agar Qo‘shma Shtatlar endi yetakchi bo‘lishni istamasalar, Kanada bu vazifani o‘z zimmasiga oladi," - dedi siyosatchi.

Uning fikricha, AQSh jahon iqtisodiyotida asosiy o‘yinchi bo‘lib kelgan, ishonch va o‘zaro hurmatga asoslangan ittifoqlar tuzgan, tovar va xizmatlarning erkin ayirboshlanishini qo‘llab-quvvatlagan 80 yillik davr yakuniga yetdi. "Bu, shubhasiz, fojia, ammo ayni paytda yangi voqelikdir," - deya qo‘shimcha qildi bosh vazir.

Ilgari Karni AQSh bilan munosabatlarning avvalgi shakli tugagani haqida gapirib, Vashingtonning himoyachilik siyosati tufayli Kanadaning iqtisodiy strategiyasida tub o‘zgarishlar zarurligini ta’kidlagan edi.