Suriyaning Halab shahri shimolidagi, Damashqdan 360 km uzoqlikda joylashgan Ashrafiya va Shayx Maqsud tumanlaridan kurd qurolli guruhlarini olib chiqish boshlangani haqida SANA agentligi xabar bermoqda.
Evakuasiya 1 aprel kuni "demokratik Suriya kuchlari" (DSK, terroristik Kurdiston Ishchi partiyasi bilan aloqador) qo‘mondonligi va Damashqdagi o‘tish davri hukumati o‘rtasida tuzilgan kelishuv doirasida amalga oshirilmoqda.
Dastlabki kolonnalar Suriya xavfsizlik kuchlari kuzatuvida Frot daryosining sharqiy sohili tomon yo‘l oldi.
Kurdlar istiqomat qiladigan Ashrafiya va Shayx Maqsud mahallalari 2012 yildan beri kurd jangarilarining nazorati ostida edi. 2024 yil dekabr oyida Damashqda hokimiyat almashganidan so‘ng, yangi ma’muriyat kurdlarga tinch aholining xavfsizligini ta’minlash maqsadida ma’lum muddat Halab shimolida qolishga ruxsat bergan edi.
10 mart kuni Suriyaning muvaqqat prezidenti Ahmad ash-Sharaa va "SDS" qo‘mondoni Mazlum Abdi o‘rtasida kelishuv imzolandi. Unga ko‘ra, kurd jangarilari o‘tish davri hukumatining qurolli kuchlari tarkibiga kiritiladi.
Tomonlar Suriya shimoli-sharqidagi SDS nazorati ostidagi hududlarda joylashgan barcha fuqarolik va harbiy ob’ektlar, jumladan aeroportlar, to‘g‘onlar, gaz va neft konlari Damashqdagi yangi ma’muriyat tasarrufiga o‘tishi to‘g‘risida kelishib oldi.
Cho‘ntakka zarba: Go‘sht narxi “uchib ketdi” – O‘zbekistonda mart oyida 9,1% oshdi!
Quvayt endi Eronga oshkora va’da berdi
Chernobil hayvonlarida kutilmagan superqobiliyatlar aniqlandi
