AQSh Rossiya tinchlikni istamasligini anglab yetdi

Ukraina prezidenti devonxonasi rahbari Andrey Yermak AQSh Rossiyaning tinchlikka intilishni xohlamasligini tushunib yetganini ma’lum qildi.

U bu haqda Saudiya Arabistonidagi muzokaralarning ikki bosqichi yakunlari bo‘yicha jurnalistlar bilan suhbatlashayotganda aytib o‘tdi.

"Menimcha, Amerika tomoni endi hamma narsani tushunib yetdi. Ularning Ukrainaga nisbatan savollari yo‘q - biz ochiq va aniq pozisiyamizni ko‘rsatmoqdamiz. Ukraina to‘liq o‘t ochishni to‘xtatishni istaydi va bu mantiqan to‘g‘ri," - dedi Yermak.

U Rossiya sulh g‘oyasini qo‘llab-quvvatlamasligini ta’kidladi va aynan shu sababli AQSh va boshqa hamkorlar tomonidan bosim kuchaytirilishi kerakligini aytdi.

Dengiz va energetika sohasida sulhga rioya etilishini nazorat qilish haqidagi savolga Yermak shunday javob berdi: "Hozircha aniq monitoring mexanizmi mavjud emas. Bizning fikrimizcha, AQSh bu masala bilan shug‘ullanishi mumkin va kerak. Qoidabuzarliklar har kuni qayd etilmoqda va biz bu ma’lumotlarni amerikaliklar hamda boshqa ittifoqchilarga yetkazmoqdamiz, ulardan aniq harakatlarni kutmoqdamiz."

U shuningdek, sukunat rejimiga rioya etilishini nazorat qilish mexanizmi ishlab chiqilayotganini ma’lum qildi, chunki buning samaradorligi haqida gapirish uchun bunday nazorat zarur.

Ermak muzokaralarning yangi bosqichlari haqidagi savolga javob berib, hozircha aniq sanalar belgilanmaganini, ammo AQSh bilan muzokaralar yaqin kelajakda davom ettirilishini aytdi.

Ilgari Rossiya yangi hujumga tayyorgarlik ko‘rayotgani haqida xabar berilgandi.