Krishtianu Ronaldu “An-Nasr” safida qatorasiga ikkinchi o‘yinda xet-trik qayd etdi.
Bugun portugaliyalik Saudiya Arabistoni chempionatining 26-turi doirasidagi o‘yinda “Abha” darvozasiga uch marta to‘p kiritdi. 30 mart kuni u “At-Tai” darvozasiga uchta gol urgandi.
So‘nggi bor forvard 2015 yilda "Real" safida o‘ynab ketma-ket ikkita xet-trik qayd etgandi. 12 sentyabr kuni u La Ligada “Espanyol”ga 5ta, 15 sentyabrda esa Chempionlar ligasida “Shaxtyor”ga 3ta gol urgandi.
