Ronaldu 2,5 yilda 12 ta sovrin yutish imkoniyatini qo‘ldan chiqardi

Krishtianu Ronaldu Saudiya Arabistonida sovrin yuta olmayapti.

Bugun 40 yoshli hujumchi to‘p tepayotgan "An-Nasr" Saudiya Arabistoni Superkubogi finalida "Al-Ahli"ga imkoniyatni boy berib qo‘ydi (2:2, pen. 3:5).

Ronaldu 2023 yilning yanvarida "An-Nasr"ga o‘tgan va hali jamoa bilan birorta ham sovrin yutmagan. Ar-Riyod klubi Saudiya Arabistoni chempionatida ham, Osiyo Chempionlar ligasida ham, Qirol kubogida ham, Superkubokda ham g‘alaba qozona olmadi. Umuman olganda, Krishtianu bilan shartnoma imzolanganidan beri "An-Nasr" 12 ta turnirda mag‘lub bo‘ldi.

Krishtianu transferidan so‘ng "An-Nasr" bitta musobaqada - o‘rtoqlik turniri hisoblangan klublar o‘rtasidagi Arab chempionlari kubogida g‘olib chiqdi.