«Real» yulduzi Saudiya Arabistoniga ketmoqchi

Madridning «Real» klubi yulduzi Vinisius futbolchilik faoliyatini Saudiya Arabistonida davom ettirishni istamoqda. Bu haqda jurnalist Romen Molina ijtimoiy tarmoqlarda yozdi.

Braziliyalik forvard va uning atrofidagilarni so‘nggi paytlarda taklif etilayotgan pullar qiziqtirmoqda. Agar «Real» o‘yinchini sotishga rozi bo‘lsa, futbol tarixidagi eng katta transfer pulini ishlab oladi.

Vinisius joriy mavsumda 18 o‘yin o‘tkazib, 12 ta gol va 8 ta golli uzatma muallifi bo‘ldi. Uning «Real» bilan shartnomasi 2027 yil yoziga qadar tuzilgan.