"Real" va "Barsa" ketma-ket uchinchi mavsum Ispaniya Superkubogi finalida to‘qnash keladi

"Barselona" va "Real Madrid" ketma-ket uchinchi marta Ispaniya Superkubogi finalida o‘ynashadi.

Madrid klubi turnir yarim finalida "Malyorka"ni 3:0 hisobida mag‘lub etdi. Avvalroq "Barsa" "Atletik"ni 2:0 hisobida mag‘lub etgandi.

"Real Madrid" ketma-ket uchinchi marta Ispaniya Superkubogi finalida kataloniyaliklar bilan to‘qnash keladi. Madrid klubi 2024 yilda kubokni qo‘lga kiritgan. 2023 yilda "Barselona" Superkubokni qo‘lga kiritgandi.

Qolaversa, kubok uchun 4 ta jamoa o‘rtasida kurash olib boriladigan yangi format bo‘yicha madridliklar 6 tadan 5 tasida finalga chiqdi. "Real Madrid" o‘zi o‘ynagan so‘nggi 4 finalning 3 tasida g‘alaba qozongan.