"Real"ning bu qilgan ishi Mbappeni ranjitdi

"Real" tarkibi kelasi yozda Ibraima Konate bilan to‘ldirilishi mumkinligi aytilgandi. Bir kun avval bir nechta nufuzli jurnalistlar madridliklar "Liverpul" himoyachisi nomzodidan voz kechgani haqida xabar tarqatgan edi.

Defensa Central xabariga ko‘ra, "Real"ning bu transfer qarori Kilian Mbappeni ranjitgan. U Konate bilan Fransiya terma jamoasi qarorgohida "Real" haqida ko‘p gaplashgan.

"Bu uning uchun yomon xabar. Ishonchim komilki, u bu yerda katta zavq olgan bo‘lardi," - deya Mbappening fikrlarini keltiradi manba.

26 yoshli Konatening "Liverpul" bilan amaldagi shartnomasi 2026 yilning yarmigacha mo‘ljallangan. Agar shartnoma uzaytirilmasa, yozda fransuzni erkin agent sifatida qo‘lga kiritish mumkin bo‘ladi.