Madridning «Real» klubi o‘zining rasmiy saytida Chempionlar ligasi 1/8 finalidan o‘rin olgan «Manchester Siti»ga qarshi ilk o‘yin oldidan tarkibdagi holat bo‘yicha ma’lumot berdi. Madridliklarning bir yo‘la olti nafar futbolchisi ushbu muhim bahsni o‘tkazib yuboradigan bo‘ldi. Ular orasida jamoa yetakchilari — fransiyalik hujumchi Kilian Mbappe va britaniyalik yarim himoyachi Jud Bellingem ham bor.
«Alaba, Bellingem, Karreras, Sebalyos, Mbappe va Militao jarohatdan so‘ng tiklanish jarayonini davom ettirishmoqda», — deya xabar berdi klub matbuot xizmati o‘yin prevyusida.
Bundan tashqari, hujumchi Rodrigo ham tizzasidagi operasiya tufayli safdan chiqqan. «Real Madrid» va «Manchester Siti» o‘rtasidagi dastlabki uchrashuv 11 mart kuni «Santyago Bernabeu» stadionida bo‘lib o‘tadi.
"Real" muxlislarini xursand qiladigan xabar chiqdi
Vinisius "Real"ga shart qo‘ydi: "Agar bu futbolchi kelsa, men ketaman!"
Mbappe Jahon chempionatni o‘tkazib yuborishi mumkin
